Pälzerin als Wald-Wasser-Wander-Botschafterin

Wald, Wasser, Wandern: mol a annere Art de Mensche se helfe, e bissel mehr heil werre. Kummener  mol mit mer?

In Gleisweiler, Annweiler, Eppenbrunn, Siebeldingen, Mörsheim, Insheim…. egal wo im Wald: Ihr känne mich ofroche unn donn gemer zamme!

Weil ich glaab nämlich, dass mer onnere Wäg gehe sollde, als bloss in e Arztbraxis zu kumme! De Dokder geht mit Aich in de Wald!

Ich zaich Eich gern, was ich vumm Wald gelernt hob unn was die Wasserdusch macht mit Aierm Immunsyschdem ! 

Mir sollde grad in Zaide wie denne do all zsammhalde unn uns unnerschditze! Unn nausgehe in die Nadur unn in die Ruh!

Selwwer widder mä nodenke, gonz still werre unn a rausfinne: warum binn ichn do? Wem geheer ichn iwwerhaupt? Unn was issn Freiheit unn Friede eichendlich?

Bin ich frei, wonn ich alles mache konn, was ich will? Odder bin ich frei, wonn ich gar nix mä muss? Wonn mer känner mer drohe konn?

Unn Friede: was ischn des? Dass känner uff mich schiesse dud? Unn muss Friede änner fer mich mache? Odder kummt der vunn inne raus? Unn wer machdn do drin fer mich?

So Sache kännemer im Wald mol besbreche nohm dusche. 

Unn zsamme beowwachte, staune, heere und horche, es mäschde uffs eichene Herz. Die Natur mol annersch agguge. Vunn unne, vunn owwe, vunn de Sait amol…

Unn uff Gott vertraue. Ihr känne mich donn alles froche! Andworde hab ich ah net uff alles, monchmol kumme die ah von inne raus!

Ich persenlich glaab jo, dass in mir enner is, dem ich gonz verdraue konn und mit dem zsamme konn garnixmi bassiere. 1. Kor 6:19

Jetzt draun Eich ammol unn meldet Eich fer a Pälzer-Doktor-WWW! 

1 Kommentar
  1. Michael Stampfer
    Michael Stampfer sagte:

    Hi Ute.
    Ein sehr guter Beitrag.
    Er ist sehr dicht und du stellst viele Fragen, die in der Hektik unserer Gesellschaft völlig in den Hintergrund gedrängt wurden.
    Es ist ein langer Prozess sich dessen bewusst zu werden und vorallem ein langer Weg sich wieder zu finden.
    Das bedeutet loslassen und vieles neu ordnen. Wenn das gelingt, gelingt ein neues Zusammenleben, für uns alle.

    Antworten

Hinterlasse einen Kommentar

An der Diskussion beteiligen?
Hinterlasse uns deinen Kommentar!

Schreibe einen Kommentar

Deine E-Mail-Adresse wird nicht veröffentlicht.